NA-NO-NEIN Parc Adula ei online

Fehlermeldung

Deprecated function: The each() function is deprecated. This message will be suppressed on further calls in menu_set_active_trail() (Zeile 2404 von /home/loretzne/www/npa.loretznet.com/includes/menu.inc).

En cuort vegn votau ellas vischnauncas pertuccadas, sche nus lein il parc Adula ni buc. Ils iniziants han flottas finanzas, ein connectai perfetgamein e sepreparai 16 onns pil cumbat electoral. Aschia vegnin nus schon daditg pervesi cun broschuras tarlischontas ed ei vegn empruau da perschuader nus dallas schanzas ed avantatgs dil parc. Nus essan dil meini ch’ei drovi medemamein ina cuntervusch che miri era da l’autra vart dalla medaglia.

Questa pagina renda quen als numerus arguments encunter in secund parc naziunal e dat ad els in plaz. Nus rimnein cheu texts interessants, brevs da lecturAs, dein commentaris e presentein nos arguments. Cun quella pagina havein nus fatg in emprem pass, per far accessibels quels cuntegns ad in vast publicum che sehona buca da facebook.

Pil mument ein ils cuntegns aunc maghers. La pagina vegn denton a s’emplenir pli e pli. Visitei pia nus ord quei motiv regularmein.

Vus saveis ch’il territori nua ch’il parc vess da serasar cumpeglia treis regiuns linguisticas. Nus sespruein da satisfar a quei fatg. A nus stattan denton buca daners ad infinitum a disposiziun sco a quels dil parc (expensas per translaziuns 2014/15: frs. 171’595.45). Perquei savein nus buca porschar adina ina translaziun. Denton vegnin nus a far il meglier pusseivel. Nus quintein cun Vossa capientscha e cun Vies talent da lungatg.

Ord quels motivs e perquei che mintga romontsch capescha tudestg vegnin nus buca a translatar tut.

Nus essan s’organisai independentamein da partidas, representein igl entir spectrum politic e s’engaschein senza paga.

Comité NA-NO-NEIN Parc Adula