Il parc Adula versiun 3.0 plus

Fehlermeldung

Deprecated function: The each() function is deprecated. This message will be suppressed on further calls in menu_set_active_trail() (Zeile 2404 von /home/loretzne/www/npa.loretznet.com/includes/menu.inc).

Per informar las votants e votants sur dil parc Adula pli concretamein lessel menziunar e sclarir in per fatgs. “Pro Parc Adula“ ei sez bu sil current tgei che marscha e tgei che ei gia schurmegiau. Quei ch’ ins sa ei che la zona da coc ei gia protegida avunda, aschia ch’ei drova buca in parc naziunal. Sco l’uniun dil parc, sut il tgamun dad in competent politicher che ei schon daditg pensionaus, pretenda, dat ei neginas midadas e leschas per la zona circumdonta. Quei constat buc! Era en la zona circumdonta - quei vul dir - nua che nus habitein vegn ei a dar restricziuns. Tgi che vul baghegiar zatgei vegn lu forsa sil mund ed era ils purs vegnan a vegnir controllai bia pli fetg en in parc naziunal. Probabel vegn ei aunc a midar autras caussas: Vischnauncas, cantun e confederaziun han da pagar e quei onn per onn. Pagar per in’ idea che certs signurs han giu peda da planisar duront 16 onns, cun in resultat fetg dubius. Jeu creiel bu a quella uniun, sche ei vegnan cun arguments aschi absurds. Fatg ei ch’ei vegn pendiu si a nus in ordinatur plein leschas e scamonds. Lein nus quei?

Ins legia adina puspei ch’ils turbos dil parc Adula hagien difficultats da perschuader las 17 vischnauncas pertuccontas, per cuntonscher lur atgna finamira che ei planiseschan gia duront quels 16 onns. Nus savein gnanc metter avon cons daners che quei circus ha custau tochen ussa. Cons daners ch’ein vegni sfarlatai. E perfin suenter aschi liung temps dat ei aunc adina malcapientschas denter las differentas instituziuns. Ussa stuein nus sedumandar , tgei che quella glieud han trafficau igl entir benediu di . E quei duront tons onns? Aber ils turbos capeschen plaunsiu che ei stat bu bein cun il meini dil pievel, pertuccond in parc naziunal. Perquei han ei ussa midau la tactica da cumbat. Ei vegn empruau dad influenzar pli agressivamein. E quei sil cuost da mintgin che paga taglia. Il meini ei fatgs. Nus vein la natira che dat a nus fetg bia, ed aschia respectein nus ella. Nus druvein buca leschas ed ina charta, nua ch’ei vegn reglementau co nus stuein ira entuorn cun nossa patria. Quei che fa surstar mei ei che umens intelligents ord la politica sustegnan quei project. Umens che nus vein elegiu cun buna cunscienzia. Pli probabel audan ins suenter la votaziun quest atun nuot pli da tals politichers. Nus astgein buca dar si il cumbat per nossa natira, per nos dretgs, nossa regiun e nossa tiara. Nus indigens stuein cumbatter pil nies. Nus astgein buca surdar il tgamun ad jasters. Nus vein il dretg da dir tgei che marscha en nossas valadas. E quei dretg vala bia.

 
Manetsch Flavian, Disentis/Mustér
comité na-nein-no parc Adula